PENGUBATAN LAWAN MAMBACA QUR'AN

Tetangga ulun ada nang bisa Metode Struktur dan Format Al Qur'an disingkat MSFQ. Nang ulun ketahui MSFQ adalah ilmu nang membahas guna mambaca Al Qur'an gasan pengubatan. Misalnya ada nang sakit maag, maka ada bagian tartantu dari Al Qur'an nang dibaca berdasar klasifikasi urang bersangkutan. Nang dimaksud lawan klasifikasi adalah bahwa setiap urang ada kecucukan tartantu lawan salah satu juz Al Qur'an. Misalnya ulun ada kacucukan lawan juz 15, maka bila sakit parut nang dibaca ada di dalam juz 15 dan satarusnya bagi juz nang balainan.

Ini mungkin sama lawan fenomena ubat duktur sehari-hari nang kita tamui. Ada si Adul bila sakit kapala maka cucuk lawan Paramex haja karena bila nginum ubat antalgin bisa kada mau ampih. Atau si Amat nang cucuknya lawan puyer haja karena bila nginum ubat paramex bisa badibar jantungnya. Jadi ada istilah cucuk-cucukan. Kaya itu jua lawan mambaca Al Qur'an dengan tujuan gasan pengubatan itu. Amat nang juz 9 cucuk mambaca salah satu bagian pada juz inya jua gasan maubati sakit kapala, sedangkan Adul nang juz 20 cucuk mambaca salah satu bagian juz inya gasan maubati sakit kapalanya.

Jadi bila kapingin mamakai metode ini, langkah pertama harus mangatahui dahulu bahwa inya berada pada kategori juz barapa inya itu. Tantu haja ada lalaku awal nang harus dijalani gasan proses pancucukan juz itu, yakni dengan mambaca juz inya 4x berturut-turut dahulu dengan selang waktu tertentu. Mambacanya jua kada bulih tapagat, harus sakaligus dibaca habis 1 juz dalam sakali duduk. dst... dst...